පැලැස්තරය

ලෝකයේ දැන ගැනීමට ඇති බොහෝ දේය. ඒ හැමදෙයක්ම සම්පූර්ණයෙන් දැන ගැනීමට නොහැක.හැමදෙයක්ම යන්තම් හෝ දැනගැනීම, අත්විදීම හරහා යන්න හදන උත්සහයක්.

Sunday, November 2, 2014

පොල් පැණි


ස්ත්‍රිය තුලින් පුරුෂයා ලබන වින්දනය සේම
පුරුෂයා තුලින් ස්ත්‍රියද වින්දනය ලබන්නේය
නමුත්
ආදරයඉඹුල් කිරිබත් හී
පැණි රොද මෙන්
ඒ අතරට පැමිණි කළ
කොයි ආකාරයේ වේදනාවක් වුවද
විදීමට සූදානම් විය යුතුය
නමුත් 
එය එකිනෙකාට 
ආවේනික වන්නට යන්නේය...
නමුත්..
හොදම ටික හරි මැදය..

මැනේජර් ඇට් ක්‍රස්ටි ක්‍රැබ්


මැනේජර් ඇට් ක්‍රස්ටි ක්‍රැබ් නොවුනාට
කාමා ගිහින් ෆොටෝ අප්ලෝඩ් නොකලාට
බුකියේ දකින ඒ සුන්දර පොෂ් ජීවිත
සිහින මවයි අපේ ජීවිත හරහට

ඔසී ඉන්ග්ලන්ඩ් යන්න හීනෙන් හිතුවට
ගිහින් හෝදන පිගන් කටු ගැන හිතුවම
ගෙදර බත් කට රජ බොජුන් විය ක්ෂණිකව

හම්බ කරලා දීග යන්නට මේ ටික
ඩිග්රි පිටරට ජොබ් ඕනෙමද විදවන
ක්‍රස්ටි ක්‍රැබ් වල ඉන්න උන්වගේ පොෂ් නොවුනට
කාලා ඇදලා විදිමි මම අද සුර සැප

බලාපොරොත්තු මිනිස්සු ජීවත් කරනවා කියනවනේ


දහසක් සිහින ඇවිත් යන 
දහසක් නගර හමුවන 
නවාතැන්පල එය විය 
පෙට්ටි ගොඩකට එක උඩ 

හමුවන නගර අතර අප 
යන එන සිහින ඔසවන 
දොඹකර දුවන ලෙස අප 
රකියි දොඹකර හදවත 

වක්‍රව සිහින රකිනට 
ලැබෙනට නිසි කලට හිමි අය 
කැපකර අප දිවිය, බලාසිටිනෙමු 
ලොවට පොඩි වූ අපට ලොකුවූ මගේ හීනය දෙස

Monday, September 29, 2014

කුලකය



තනිකමින් පිරුණු 
හදවතේ වේදනාව 
තුල සිර වුනු 
සොදුරු මිනිසුන්
 පොහොසතා
 හා 
දුප්පතා
 යන කුලක
 දෙක තුලම ඇත..

Thursday, August 21, 2014

පුංචි ජොනී වෙන දවසක එන්න කිව් වැස්ස


සීතල සුමුදු මදනල 
දිවියට මිහිරි සුවදෙන 
තාලය නගන ඒ හඩ 
වැහි බිදු නොවෙද සුමිතුර  

පුංචි ජොනී වෙන දවසක එන්න කිව් වැස්ස මෙය 
එන හැමදාම මම පෙම් කරන වැස්සද මෙය 
හිරිකඩ ගෙනෙන ඒ සොදුරු සුව මිහිර  
මා පිනවයි ලිය කෙලි ලෙසින් සිත ලග 

 හැර දා නොයන මා පෙම් කල පෙම්බරිය
සුභ ලකුණක්ය හමුවන කල හිමිදිරිය 
කවුරුත් බනින අකැමති මේ සුරතලිට  
පෙම් බැදි පුංචි කොලුවෙකි මම දගකාර

Monday, August 4, 2014

මිරෑකල්ස්


ජීවිතේට එලියක් ලැබුන නැති
ආදරේක පහසක් වින්ද නැති
ප්‍රේමනීය සුවයක් ලබපු නැති
ජීවිතය සොයයි ඇය,ඒ වින්ද නැති

සිප් සතර සොයා දිවගිය ඒ ඇගිලිතුඩු
සෙනෙහස් උල්පතේ ගිලිලා හුස්ම ගිහින්
ප්‍රේමය හෙව්වේ එන්නයි එලියට අදුරින්
වැරදුනි ඇයට තෙල් නැති පහන දල්වා ටිකකින්

කදුලින් කදුල ඒ කදුලින් තව කදුලු
ආ මග තෙත්ව ඇත, යන මග එරෙන සුලු
වැටි වැටි නැගිට්ටත් ඉගිලෙන්නට බෑලු
ජේසුගේ පෙම සොයන්නට ඇය දිව යන්නම්ලූ

පදවැල් ඇමිනුවද මම මේ තරම් දිග
විසදුම් කතා නැත මා ලග දෙන්නට ඇයට
පිලිතුර ඔබ ලගයි කීවේ මේ මමය
පුදුමාකාර දෙවිදුනි "මිරෑකල්ස්" කොහෙද ?

Saturday, August 2, 2014

විප්ලවයත් ප්‍රේමයත් මුණගැසුන දා


"ආදරය" 
විප්ලවයේ ප්‍රධාන වස්තු බීජයයි
චේ ගුවේරා වදන් බව
අප දනී, ප්‍රේමය විපරිත වූ කල

වීරත්වය ආභරණයක් වූ කල
පසෙක ලා එය කරනු බලපෑම 
ගෞරවනීය වන්නට සමාජය හට
ඉතිහාස ගත කල බලපෑම
අමරණීය කරයි සමාජය තුල ඔබ

එහෙත්
ආදරය කරන්නට
නොහැකි වූ කල ඔබට 
මනුෂයකු නොවේ යැයි ඔබ හැදිනගනු සොද

එබැවින් එන්න විප්ලව වේදිකාවට
රගපාන්නට නොව ජීවත් වන්නට
විප්ලවීය වෙනසක් එහි ඇති කරන්නට
"ආදරයට ආදරය කර බලනු" රස කෝම..

තේරවිල්ල


හිරවී පීඩිතයි ගුවන්තනාමෝ බේ වැනිය
ප්‍රශ්නමයි හැමදාම ගෝතම් සිටි වැනිය
කදුලින් තෙත් වෙලා ලන්ඩන් සිටි වැනිය
සෙනහස හිග වෙලා සහරා බිම වැනිය
ගල් වී නිරුත්තර ආක්ටික් බිම වැනිය
රමණීය මොහොතත් පෙප්සි කෝලා වැනිය

උත්තරය දන්නෝ හිරවී හමාරය
හෙනරාජ තෛලයෙන් යදම් වැල බිදලන්න
අමුර්තය සොයාපන් සුරලොව වෙත යන්න..

පනින්ට පෙර සිතා බලන්න


එකම වලේ වැටුන මිනිසා
සිත කය දෙකම දුර්වලව ඇත්තා
දැන දැන වැටුනු බව සිත සිතා
සාප කරාවි ආදරයට සැමදා

කදුලු නොගලයි හඩන්නට
සිතට බැරි කළ වාරුගන්නට
රමණයේ මරණය ප්‍රේමයම නොම බව
දැන දැනත් උන් වැටෙයි වලටම

අස්ථිර ලෝකේ ස්ත්‍රි ආලය
ඉරුවා රුදාවත් පරයා යන කල
සියොත් පෙම් යුවල යැයි හැදිනගත්තද
සියොත් සතු නිදහස මිනිස් ලොව හිමි නැත

අපි ඉන්ඩිපෙන්ඩන්ස් යුගයේ ආර්කේඩ් තරුණ පරම්පරාවයි


30 වස් කුරිරු යුද්ධය අත්වින්ද මිනිසුන්
ප්‍රභා මරා කිරිබත් කාපු මිනිසුන්...
අහෝ දැන් අලුත් රටකි.. එහි,
සෙල්ෆි දැන් ට්‍රේන්ඩ් එකයි
ආර්කේඩ් වන්දනීයයි
දිරවගන්නට අමාරුයි..

යුක්තිය වෙනුවෙන් පෙළ ගැසීමට කාලය එළඹ ඇත



වියානාවට මග හැරුණු සිත්තරා ඔහු ය
ගෘහස්ත හිංසනයේ පරපීඩකයකු වූ ඔහු
ලෝකය හිට්ලර් නමින් හැදින ගත්තේය...

ළමා අවධියේ 
මනසට ඇති කෙරුණු බලපෑම
අවසානයේ සමස්ත ලෝකයක් 
කරා වෛරයක් ලෙසින් 
මුදා හරින්නට
ඔහුව පොළඹවන ලදී...

මල්.. ලමයින්ට දිය හැකි සරලම අර්ථකතනය එයයි...
මල් හරිම සුන්දරය.. ලමයින්ද එසේමය..
මලක සෑබෑ ස්වභාවය හදුනන්නේද මිනිස් සිත්ය..
නොමිනිස් සිතකට මලක් සුනු විසුනු කරන්නට ගතවන්නේද නිමේෂයකි..

සෑම තත්පරයක දී ම 
ඒ කීරි නගන 
සුසුමක් ලෙසින් 
අහිංසක පුංචි හදවත් කලබන ලමා අපචාරයට
නිහඩත්වය සේද පොරෝනයක් වී ඇත

නූතන සමාජීය ෆැන්ටසීකරණය තුල මංමුලා වී ඇති අපට 
යුක්තිය වෙනුවෙන් පෙළ ගැසීමට කාලය එළඹ ඇත

එන්න.. නොමිනිස් මුර්ගයන්ට එරෙහිව නැගිටින්න
එන්න.. එකිනෙකාට ඇගිල්ල දිගු කිරීමට නොව

මහා ජාතික කර්තවයකට එක්වන්න
එකම අම්මාගේ දරුවන් වෙනුවෙන් නගන්නට

හඩක්

Thursday, May 1, 2014

ලොව ජනප්‍රියම පානයන්ගෙන් තුන්වන තැන හිමි පානය ගැන තතු සොයා යාමක්



වතුර හා තේ හැරුනු විට ලොව ජනප්‍රියම පානයන් අතුරින් තුන්වන තැන උසුලන "බීර" නොහොත්, අපේ භාෂාවෙන් "බියර්" ගැන කතා කරන්න හිතුවේ ඇත්තටම සෙට් උන වෙලාවට විස්කි බ්‍රැන්ඩි බොන අයියලා බියර් බොන අය කන්ඩෙම් කිරීමත්.. බොන හැම දෙයක්ම උගුරෙන් දෙකෙන් වදින්න ඕනේ කියන ගොඩේ මානසිකත්වය ඇති එවුන්ට යමක් කමක් කියා දීමටත්ය... සහ විශේෂයෙන්ම අපි මත්පැන් බොන්නේ නෑ.. වයින් විතරයි බොන්නේ කියා එක්තරා කැටගරියක ස්පෙශල් පොරවල් වෙන්න හදන අයටත් එක්ක.. මොකද උන් කියන්නේ අනික් උන් බේබද්දන්ය.. වයින් බොන උන බේබද්දන් නොවන බවත්ය..

මේකත් කියන්න එපැයි.. බියර් යනු "චිල් අවුට්" වීමට ගන්නා පානයකි. ඔය වචනෙට සිංහල වචනයක් මං දන්නේ නෑ. අනික ඔය වචනේ ගැබ් වෙන අර්ථය සිංහල වචනයකින් පිට කරන්නත් බෑ. හැබැයි මං හිතනවා ඕන කෙනෙක්ට තේරෙනවා ඇති කියලා. බියර් සමග කා බී විනෝද වීමයි බියර් සම්ප්‍රදාය. 




අර 30% - 40% ඇල්කොහොල් මට්ටමක් අඩංගු මධ්‍යසාරයක් තව සාන්ද්‍රණය අඩු කරන මොනා හරිත් දාලා බීලා, කට ගැස්මකුත් බීපු ගමන් හපලා.. ෂොට් දෙකෙන් වැදුනා.. වදින්නමයි බොන්න ඕනේ... කියන අයත් පොඩ්ඩක් බලන්නකෝ.

මේ කවුරුත් දන්න බියර් ගැන නොදන්න තතු ටිකක්..


1. බියර් ඔබේ වකුගඩු නිරෝගීව තබා ගැනීමට උපකාරි වෙයි.
ෆින්ලන්තයේ හෙල්සින්කි නුවර පෝෂණවේදී දෙපාර්තුමේන්තුව, මහජන සෞඛ්‍ය ආයතනය හා ඇමෙරිකාවේ මේරිලැන්ඩ් බෙතෙස්ඩා හී සායනික විද්‍යා අංශය, ජාතික පිළිකා ආයතනය එක්ව 1998 වසරේදි එලිදැක්වූ පරීක්ෂණ වාර්තා වලින් පැහැදිලි කෙරෙන අන්දමට බියර් පානය නිසා වකුගඩු හී ගල් ඇතිවීම 40%කින් අඩු කෙරෙන බවයි.

2. බියර් කෙදි සහිත ස්භාවික පානයක් වෙයි. රුධිර නාල වල අවහිරතා ඇති කරන කොලෙස්ටර්රොල් මට්ටම අඩු කිරීමට මෙම කෙදි උපකාරී වේ. විශේෂයෙන්ම අදුරු පැහැ බියර් වර්ග වල අවුන්ස 12කට කෙදි ග්‍රෑම්1 ක් අඩංගු වේ. ඔබ මිලදී ගෙන පානය කරන වයින් වල කෙදි අඩංගු වන්නේ නැත.

3. ලෝක බලවතාගේ නිල නිවසේදීත්(ධවල මන්දිරය) ඔවුන් බීමට ගන්නා බියර් ඔවුන් විසින්ම පෙරා ගනී.


 4. එමෙන්ම POTUS නම් වූ කේත නාමයෙන් හදුන්වන එහි වසන පුද්ගලායද බියර් පයින්ට් වීදුරුවක් රස විදින්න අමතක කරන්නේ නැතිලු.. දැන් ඉතිං POTUS කියන්නේ මොකාද කියලා අහන්න එපා... හරි හරි ඕකත් කියලම දාන්නම්කෝ.. President Of The United State.!!


 5. ඔබේ සිරුරේ විටමින් බී මට්ටම ඉහළ නංවයි


නෙදර්ලන්තයේ පෝෂණවේදී ජීවවිද්‍යාත්මක දෙපාර්තුමේන්තුව සහ ටී.එන්.ඹ් ආහාර හා එහි පෝෂදායි බව පිළිබද පර්යේෂණ ආයතනය සමග එක්ව දකුණු අප්‍රිකාවේ ප්‍රෙටෝර්ලා විශ්ව විද්‍යාලයේ රසායනික ආශ්‍රිත රෝග වලට හේතු කාරක හා පසු බලපෑම් සෙවිමේ පීඨය සහ ෆින්ලන්තයේ ටැම්පියර් වෛද්‍ය විශ්වවිද්‍යාලය එක්ව කරන ලද පරීක්ෂණයකදී සොයා ගැනුනේ බියර් තියා කිසිම දෙයක් නොබොන අයට වඩා බියර් බොන අයගේ විටමින් බී6 මට්ටම 30% ඉහළ බවය. එමෙන්ම එය වයින් භාවිතා කරන්නන්ගේ ප්‍රමාණයට වඩා දෙගුණයක් බවත්ය. 

එමෙන්ම බියර් බොන්නන්ට ප්‍රසාද දීමනාවක් ලෙස විටමින් බී12 හා ෆෝලික් ඇසිඩ් ද ලැබේ.

6. ඔබ සාමාන්‍ය සම්ප්‍රදායික රසය විදීමෙන් ඒකාකාරි බවක් දැනේ නම් විවිධ වූ ආකාරයේ නව්‍යකරණයන් කරන ලද අලුත් පැසවුම් ඕනෑ තරම් තියනවා රස විදින්න.

7. බියර් වලට දිගු ඉතිහාසයක් ඇත. එය මිනිසා විසින් නිපදවු පැරණිම පානයන් ගෙන් එකකි.
මෙසපොතේමියා යුගයේ "එල්බා" ගල් පුවරු වල අනාවරණය වූ පරිදි බියර් නිපදවීම කාන්තාවන් අතර ප්‍රසිද්ධ වෘත්තියක් ව තිබී ඇත. බාර්ලි වලින් සාදා ගත් බියර් පාරාවෝවරුන්ගේ දිනපතා ආහාර වේලේ කොටසක් වී තිබි ඇත.

8. බියර් සජලකරණයේදි ජලයට වඩා යන්තමින් ඉදිරියෙන් සිටී.

මෑතකදී කරන ලද පර්යේෂණ වලින් මලළ ක්‍රිඩකයන්ගේ ආහාර වේල සදහාද බියර් නිර්දේශිත ප්‍රමාණයක් ලබා ගැනීමට අනුමත කර ඇත.

9. එය ඔබේ අස්ථි වලට හොදය

වර්ෂ 2009 දී කරන ලද පරික්ෂණකදී අනාවරණය කරගෙන ඇත්තේ බියර් වල ඇති ඉහළ මට්ටමේ සිලිකෝන් ඔබේ අස්ථි වල ඝනත්වයට හොද අස්වැසිල්ලක් වන බවයි.

10. විවිධ වූ බියර් වර්ග 400කට ආසන්න ප්‍රමාණයක් ඇත


     

11. බියර් අයිස් ක්‍රිම් සමග මිශ්‍ර කරගත් කල ඉතා රසවත් පානයක් වීම




12. බියර් සෑදිමට ගන්නා "බීර මල්"(හොප්ස්) වල ප්‍රතිවයිරසීය ගුණාංග අඩංගු වීම



ජපානයේ සැප්පාරෝ හී පරීක්ෂකයන් පිරිසක් කරන ලද පරීක්ෂණයකින් හෙලි වී ඇත්තේ බීර මල් වල ඇති හුමියුලෝන් සංඝටකය නියුමෝනියා හා බ්‍රොන්කයිටීස් වලට බලපෑමක් කළ හැකි ප්‍රතිවයිරයක් බවයි.

එම ප්‍රතිවයිරසීය බලපෑම ඇති කිරීමට කෙනෙකුට බියර් අවුන්ස 30-12 අතර පානය කළ යුතුය.

13. විශ්වයේ විශාල පාවෙන බියර් වලාකුලු තිබේ.


විහිලුවක් නෙමෙයි. එම වලාකුලු වල අඩංගු ඇල්කොහොල් වලින් ට්‍රිලියන් 400ක බියර් වීදුරු(පයින්ට් 1) සෑදිය හැක. අවාසනාවකට එය ආලෝක වර්ෂ 10,000 ඈතින් පිහිටා ඇත. 


14. ගිනස් නම් වෙළද නාමය යටතේ ඇති බියර් ඇත්තටම ඉතා සැහැල්ලු බියර් වර්ගයකි.



එක් ගිනස් බියර් පයින්ට් එකක කැලරි 125 අඩංගු වේ. එය හරියටම "කාලේ සලාදයක්" කෑමට ගත්විට ලැබෙන කැලරි ප්‍රමාණයයි.

15. එය ඔබට නින්දට උදව් කරයි

බියර් වල අඩංගු ලැක්ටොෆ්ලේවින් හා නිකොටිනි ඇසිඩ් ඔබට නින්දට උපකාරී වේ.

අවසාන වශයෙන් මෙන්න මේකත් කියන්න කියලා හිතුවා.. ලෝක ප්‍රසිද්ධ සගරාවක් වෙන GQ සගරාව මගින් ලොව හොදම බියර් 50ක් තෝරා තිබෙන අතර එහි 18වන තැන ලාංකිය නිෂ්පාදනයක් වෙන "ලයන් ස්ටව්ට්" හිමි කරගෙන තිබෙනවා.

එහි ඒ ගැන මෙන්න මෙහෙම සදහන් වෙනවා

If you only have one Sri Lankan stout before you kick, make it this one. Creamy and bittersweet, with a rich tan head and notes of fruit. Plus, it comes in cans-perfect for spicing up your next barbecue.

ඒ ගැන මම අවංකවම ආඩම්බර වෙනවා ඔය අමද්‍යප ආකල්පය තුල ඉන්න එවුන් මට මොනා කීවත් කිසි ප්‍රශ්නයක් නැත.



මෙය කිසිවිටක මත්පැන් දිවගෑමට දිරිගැන්වීමක් නොවේ. දැනගැනීමේ ආශාව මත මා කළ විමර්ශනයක් පමණි. පොතට පතට සීමාවූ ජීවිතයේදී සොයාන්නට වෙර නොදැරූ දේවල් ගැන නිවැරදි කෝණයකින් සොයා බැලීමකි. බේබද්දකු වීම උදෙසා නොව ජීවිතය විදීම උදෙසා කළ සොයා යෑමකි... ඕන කෙනක්ට ඕන දෙයක් කියන්නට පුලුවන්ය.. මගේ ජීවිතය මගේය.. එච්චරයි.. !!!




Related Posts Plugin for WordPress, Blogger...