සර්පයා

හාදු නැති ඒ පාලු හදකට

 හාදුදෙන්නට මාන බලනා සර්පයා

ඕන ලිදකින් වතුර බොන්නට

 කඩුලු පනිනා සර්පයා

 ඇගේ කදුලැලි පිසලමන්නට 

 දෑත දිගු කල ඒ කෙනා

 යහන් සුව විද සර්ප වෙස් ගෙන

 යන්න යන ඒ ඔහු තමා...

 සර්ප වෙස් ගත් පිරිමි ප්‍රාණිය

 සිර කළා ඇගෙ සුමුදු සිහිනිග

 තවරලා ඌ සර්ප හැව යට 

දූලි කළ හැටි ගැහැණු සිහිනය.. 

 යහන සරසා සුමුදු නල් පෙති 

ඒ යටින් විස දළ ද අතුරා

 රාගයම විතරයි උගේ

  කෙදිරියක් ලෙස පිට වුනේ.. 

 ඇගේ තුගු ළැම හප කළා ඌ 

ඉතිරි නොකරම කිරි සිහින මතු.

 ඒත් ගැහැණිය බලා සිටියා 

 ගෙනෙන තුරු පෙම් සිහින විසකුරු..