පැලැස්තරය

ලෝකයේ දැන ගැනීමට ඇති බොහෝ දේය. ඒ හැමදෙයක්ම සම්පූර්ණයෙන් දැන ගැනීමට නොහැක.හැමදෙයක්ම යන්තම් හෝ දැනගැනීම, අත්විදීම හරහා යන්න හදන උත්සහයක්.

Tuesday, September 13, 2011

එල්විස් ප්‍රෙස්ලි හිට් උන හැටි...



ඔන්න ඉතිං එල්විස් ප්‍රෙස්ලි කොල්ලා සිංදු කියන කාලේ ඔය කොල්ලට තිබ්බ ආකර්ෂණය
ගැන ඉතිං අටුවා ටීකා අවශ්‍යය නෑ නේ... මොකද ඉතිං මම දන්නේත් නෑ =)) ...  මම
හිටියෙත් නෑ නේ ඒ කාලෙ..

ඒ උනාට ඉතිං ඔය කොල්ලා හදිසි‍යේම හිරෙන් පැනලා ආපු සතුටට කියපු සින්දුවක් නිසා තමා කොල්ලා පට්ට වැඩකාරයෙක් උනේ.. එවෙලේ දාපු ඩාන්ස් එක අදටත් කාටවත් දාන්න බෑලූ..ඒ උනාට ඒකත් කොපි කරපු එකක්නේ :D (ෆොරස්ට් ගම්ප් බලපු අය දන්නවා ඇතිනේ =))   )...කොහොම හරි කොල්ලා ඉතිං හිරගෙදර පට්ට ආතල් කියලා තමා සිංදුවෙන් කිව්වේ.. " හිරගේ රොක් "... (මේ දන්නේ නැති නිසා අහන්නේ.. ඔය රොක් කියන වචනේ නියම සිංහල තේරුම මොකක්ද? :D )


පස්සේ ඉතිං දවසක් කොල්ලා අලුතෙන් ගත්ත රෝස පාට කැඩිලැක් එකේ නැගලා "කෙන්ටාකි ෆ්‍රයිඩ් චිකන්" (කේ.එෆ්.සී) කන්න කියලා හිතාගෙන කෙන්ටාකි පැත්තේ ගියා.. ඔන්න ඉතිං කඩේ ලගට ඇවිල්ලා බහින්න හදනකොටම කඩාගෙනම වැටුනානේ මහ වැස්සක්.. අනේ ඉතිං වැස්ස පායනකන් කාර් එකට වෙලා හිටපු එල්විස්ට මේ මහා වැස්ස ගැන සිංදුවක් කියන්න හිතුනා.. කාර් එකේ ඉදන්ම "කෙන්ටාකි වැස්ස " කියලා සිංදුවක් කිව්වා.කොහොම හරි එල්විස්ගේ සිංදුව නිසා සුදුරෑවුල් සීයගේ බැදපු මස් කඩේ :D හිටේ හිට් උනා..


මිනිහා ඉතිං හැන්ඩියනේ, ඒ නිසා කෙල්ලෝ එහෙම මිනිහට වහ වැටිලා හිටියේ.. එල්විස් එක්ක කතා කලත් ඇති.. මොන තරම් ජනප්‍රිය උනත් එල්විසුත් අපි වගේ කොල්ලෙක්නේ..  :D  ඉතිං මිනිහට දවසක් කොටුවක් පනින්න කෙල්ලෙක්ගෙ ගෙවල් පැත්තේ ගියා. ඔන්න ඉතිං තාප්පෙන් පැනලා අඩි දෙකක් යන්න උනේ නෑ.. දඩයම් බල්ලෙක් ඇගට කඩා පැන්නා.. එල්විස් කෙලින්ම දිව්වේ කෙල්ලගෙ කාමරේට... ඊට පස්සේ මොකද උනේ දන්නවද ඔයා......  :D , පැනපු ගමන් රිංගුවා ඇද යටට.. කෙල්ල බල්ලාව ශේප් කරගෙන කාමරෙන් එලියට අරන්ගියා.. ඇද යට ඉන්න ගමන් එල්විස්ට මතක් උනා ගිරිරාජ් වීරරත්න (ඉරාජ්ගේ සීයා =)) ) කියල  ශ්‍රි ලංකන් පොරක් මිනිහට දිපු හිටවන කවිය. ඇද යට ඉන්න ගමන්ම තාලෙකුත් අල්ලලා "දඩයම් බල්ලා " කියලා බල්ලා ගැන සිංදුවක් කිව්වා...  :D


මිනිහා ඉතිං කෙල්ලෙක් හම්බෙන්න නිතර ආපු ගියපු හොටෙල් එකක් තිබ්බා. ඇත්තම කියනවා නම් මිනිහා කෙල්ලට ලව්.. ඒත් එක අදුරු මූසල දවසක =)) කෙල්ල එල්විස්ට මෙහෙම කියනවා. "අපි දෙන්නා ගැලපෙන්නේ නෑ. අපි ආයෙ හම්බ නොවි ඉමු." එහෙම කියලා ඉවරවෙලා කෙල්ල මෙහෙම කියනවා "අපි කතා නොකර ඉමු සිනා නොවි ඉමු ටික දවසක්.... :D" . එල්විස්ට පැන්නා මල. මේකි මට සිලෝන් වල සිංදුවකින් අරින්න හදන්නේ නේද කියලා. කොල්ලා හොටෙල් එකට කෙල වෙලා යන්නත් එක්කම "හදවත බිදුණු හෝටලේ" කියලා සිංදුවක් කිව්වා.අපේ අල්ලපු වැටේ "ගීතා කුමාරි" ඇන්ටි කෙල්ල කාලේ තමා එල්විස්ට බූට් එක තියලා තියෙන්නේ.


ඔන්න ඔහොමයි එල්විස්ගේ රස කතා.. එල්විස්ගෙ දුව පොඩ්ඩ (පොඩි නෑ හොදේ :P ) මට ප්ලේන් එකේදි සෙට් උනා.. එවෙලේ තමා මේ ටික කිව්වේ. :D දැන් ඔන්න හැන්ඩ්ෆෝන් නම්බර් එක එහෙම ඉල්ලනවා නෙමෙයි. :D




2 comments:

Bhagya Sanuka said...

රොක් කිව්වෙ මතන් ගල් වගේ කියන එක.. හිර ගෙදරට හිතක් පපුවක් නෑ නොවැ.. සමහර හිර ගෙවල් වලට හිත තිබ්බට පපුව නෑ.. අනිත් ඒවට පපුව තිබ්බට හිත නෑ.. රොක්ම තමා ඕං !!

ඈ බොල තක්කඩියෝ.. ප්‍රෙස්ලි ගොයියට කොයින්දැ දෝණියක්?
උඹ මේ හිරේ ගොයිං එන ගමන්දැ :D :D

මනියා said...

@ Bhagya Sanuka : ආහ් ඒකද මේ කියන්නේ... :D

උබ දන්නේ නැද්ද ? ලීසා මරේ ප්‍රෙස්ලි.. අර ජැක්සන් කොල්ලාගේ පළවෙනි ගෑණි. :)

Post a Comment

Related Posts Plugin for WordPress, Blogger...